Астананың Алматы ауданындағы Обаган көшесінде екі қабатты ғимараттың шатыры өртенді. Ғимараттың бірінші қабатында сауна мен сыра дүкені, ал екінші қабатында жекеменшік балабақша орналасқан.
Өрт сөндірушілер оқиға орнына келген кезде ғимараттың шатыры ашық жалынмен жанып жатқан. Өртті сөндіруге тығыз құрылыс, қою түтін және тар жолдар мен өткелдер кедергі келтірген.
Құтқарушылар жалынның маңайдағы тұрғын үйлерге таралуына жол бермеді.
Өрт 250 шаршы метр аумақта толық сөндірілді. Оқиға салдарынан зардап шеккендер жоқ. Өрттің шығу себебі анықталып жатыр.
