Келіссөз үш кезеңде өтті. Қорытынды бөлігіне Ұлыбритания, Франция және Германияның ұлттық қауіпсіздік жөніндегі кеңесшілері қосылды.
Басты тақырыптардың бірі «қысқы көмек пакеті» болды. Украина қосымша әуе шабуылына қарсы қорғаныс жүйелерін, энергетикалық инфрақұрылымға қолдау және АҚШ-тан сұйытылған табиғи газ алуға үміттенеді.
Кездесуге қатысушылар ұзақ мерзімді қауіпсіздік кепілдіктерін, соғыс қимылдары аяқталғаннан кейін елді қалпына келтіру және алдағы келіссөздердің мүмкіндігін де қарастырды.
Кездесу қорытындысында Украина, АҚШ және Еуропа елдері кеңесті жалғастыруға уағдаласты. Келесі келіссөз өтетін орын мен уақыт әзірге белгіленген жоқ.
Уиткоффтың айтуынша, Мәскеуде бұған дейін өткен келіссөздерде америкалық делегация жаңа ұсыныстарды тыңдап, айтарлықтай ілгерілеуге қол жеткізген. АҚШ өкілдері бұл ұсыныстарды Украина тарапына жеткізді. Алайда қақтығысты реттеу жөнінде нақты келісім немесе түбегейлі өзгеріс болғаны хабарланған жоқ.
