Өрт ошақтары Қарқаралы, Бұқар жырау, Нұра және Осакаров аудандарында, сондай-ақ Қарағанды қаласында ауыздықталды.
Ал Шет, Бұқар жырау және Қарқаралы аудандарында тағы бес табиғи өртті сөндіру жұмыстары жалғасып жатыр. Тау-далалы аймақтарда құрғақ шөп пен бұталар өртенген.
Өрт сөндірушілердің жұмысына жолы қиын жер бедері, аптап ыстық және екпінді жел кедергі келтіруде. Қатты желдің салдарынан жалынның таралу бағыты бірнеше рет өзгерген.
Өртті сөндіруге 400-ден астам адам мен 100-ден аса техника жұмылдырылды. Оқиға орындарында ТЖМ бөлімшелері, жергілікті атқарушы органдар мен орман шаруашылықтарының қызметкерлері жұмыс істеп жатыр.
Жедел штаб тәулік бойы қызмет атқарып, өрт жағдайын бақылауда және жұмылдырылған күштердің жұмысын үйлестіруде. Жағдай Төтенше жағдайлар министрлігінің бақылауында.
