Шүкір сарқырамасы маңында аяғын қайырып алып, өздігінен төмен түсе алмай қалған 16 жастағы қызға құтқарушылар көмек көрсетті, деп хабарлайды SHYNDYK.KZ Төтенше жағдайлар министрлігіне сілтеме жасап.
Оқиға Бостандық ауданында, шамамен 2650 метр биіктікте болған. Хабарлама түскеннен кейін ТЖМ-нің «Барыс» республикалық жедел-құтқару жасағы берілген координаттар бойынша зардап шеккен қызға аттанды.
Оқиға орнына жеткен құтқарушылар оған алғашқы медициналық көмек көрсетіп, қауіпсіз жерге түсірді. Кейін қызды ата-анасы күтіп тұрған жерге жеткізіп, жедел жәрдем қызметкерлеріне тапсырды.
