Қазақстанның тоғыз қаласында ауа қабатында ластаушы заттардың жиналуына ықпал ететін ауа райы жағдайлары орын алады, деп хабарлайды SHYNDYK.KZ.
Қолайсыз метеорологиялық жағдайлар күтілетін қалалар тізімі:
-
Астана
-
Алматы
-
Ақтөбе
-
Қостанай
-
Павлодар
-
Қарағанды
-
Жезқазған
-
Балқаш
-
Теміртау
Мамандардың түсіндіруінше, желдің болмауы, әлсіз жел, тұман және температуралық инверсия салдарынан зиянды қалдықтар сейілмей, атмосфераның жер бетіне жақын қабатында жинақталып қалады. Сонымен қатар, ауаның ылғалдылығы мен температурасы да ластану деңгейіне тікелей әсер етеді.
Экологиялық жағдайдың нашарлауына байланысты аталған қалалардың тұрғындарына, әсіресе тыныс алу жолдары сыр беретін және аллергиясы бар азаматтарға мүмкіндігінше далада аз уақыт болу және терезелерді жабық ұстау ұсынылады.
