Америка Құрама Штаттарының басшысы Дональд Трамп Францияны тұмшалаған жаппай тәртіпсіздіктер, өртеулер мен құқық қорғау органдарымен қақтығыстардың түпкі себебін Париждің босаң көші-қон саясатымен байланыстырды.
Ақ үй жетекшісінің мәлімдеуінше, мүлдем өзге мәдени ортадан келген әрі жергілікті қоғамға агрессивті көзқараспен қарайтын иммигранттар Франция мемлекеттілігін іштен күйретіп жатыр. Қала көшелерінде орын алған бейберекетсіздік пен дағдарыс үшін ол француз билігінің көп жылғы тиімсіз көші-қон жүйесін тікелей кінәлады.
Трамп Франция үкіметін батыл қимылдап, жағдайды шұғыл түрде толық бақылауға алуға және мемлекеттік шекараны дереу жабуға шақырды. Оның пікірінше, қол қусырып отыру мен шарасыздық алдағы уақытта жағдайды одан сайын ушықтырып, ахуалдың мүлде бақылаудан шығып кетуіне әкеп соқпақ.
