Франция билігі елді шарпыған жаппай көше тәртіпсіздіктерінен кейін Париж бен Ницца қалаларында түнде көшеге шығуға шектеулер енгізіп жатыр, деп хабарлайды SHYNDYK.KZ BFMTV телеарнасына сілтеме жасап.
Ел астанасы Парижде түнгі шектеу сағат 23:00-ден таңғы 06:00-ге дейін күшінде болады. Бұл тыйым негізінен соңғы күндері қақтығыстардың ошағына айналған Республика алаңы мен Ле-Аль орамындағы бірнеше көшені қамтиды.
Ал Ницца қаласының орталығында коменданттық сағат тіпті ертерек — сағат 21:00-де басталады. Дегенмен, жергілікті әкімшілік бұл қаладағы шектеу шаралары тек жасөспірімдерге ғана қатысты екенін, олардың қауіпсіздігін қамтамасыз ету мақсатында қабылданғанын нақтылады.
