Жамбыл облысының құқық қорғау органдары танымал ресейлік рэпер Navai-ға (Наваи Бакиров) қатысты қылмыстық істі тоқтатты. Іс ресми түрде жабылғаннан кейін орындаушы Қазақстан Республикасынан депортацияланды.
Бұл жағдайға қатысты Жамбыл облысының Полиция департаменті бұқаралық ақпарат құралдарының сауалына жауап берді. Ведомствоның түсіндіруінше, іс «ақталмайтын негіздер бойынша» қысқартылған. Полиция шешім қабылдау кезінде екі негізгі фактордың ескерілгенін атап өтті: әртістің құқықбұзушылықты бірінші рет жасауы және оның шын жүректен өкінуі. Бұл қылмыстық-процестік заңнама талаптарына толық сәйкес келеді.
Еске сала кетейік, 13 қазан күні рэпер Navai Қырғызстан жақтан Қазақстанға кіреберістегі «Қордай» шекара бекетінде ұсталған болатын. Әртіс мінген көлікті тінту барысында тәртіп сақшылары тыйым салынған затты тауып, тәркіледі. Музыкантқа қатысты екі бап бойынша – есірткіні заңсыз сақтау және оның контрабандасына оқталу бойынша қылмыстық іс қозғалған еді. Ұсталуына байланысты оның Астанадағы жеке концерті шұғыл түрде тоқтатылған болатын.
