Құтқару қызметтері табиғи апаттың салдарын жою және хабар-ошарсыз кеткен адамдарды іздеу жұмыстарын жалғастырып жатыр.
Су тасқыны 26 тамызда Қытаймен шекаралас елдің солтүстігіндегі Расува ауданында болды. Бхоте-Коши өзеніндегі су деңгейі Лхенде өзенінің арнасы бітеліп, жиналған судың кенеттен бұзылуынан күрт көтерілген.
Өзен арнасының бітелуіне Тибет аумағындағы жер сілкінісі мен көшкін себеп болған. Жиналған су бөгетті бұзып шыққаннан кейін ағын күшейіп, Непалдың шекара маңындағы аумағын су басты. Табиғи апаттан зардап шеккен ауданда шетелдік туристер де болған. Непалдың Туризм басқармасының мәліметінше, 27 тамызға дейін 31 шетел азаматы құтқарылған.
Іздеу-құтқару жұмыстары әлі де жалғасып жатыр. Аймақтағы жағдай күрделі күйінде қалып отыр. Бұған дейін Непал билігі жаңа су тасқыны болуы мүмкін екенін ескертіп, қауіпті аймақтардағы тұрғындар мен азаматтарды сақтық шараларын сақтауға шақырған.
Құтқару және іздеу жұмыстары жалғасып жатқандықтан, апат салдары туралы мәліметтер өзгеруі мүмкін.
