Павлодар қаласында он және он бір жастағы екі өгей қызын қорлаған жергілікті тұрғын өмір бойына сотталды. Сондай-ақ, сот шешімімен оған өмірінің соңына дейін кәмелетке толмағандармен жұмыс істеуге немесе балаларға қатысты кез келген қызметпен айналысуға қатаң тыйым салынды. Бұл туралы irbistv.kz арнасы мәлімдеді.
Жаға ұстатарлық қылмыс 2025 жылдың желтоқсан айында болған. Анасы ақыл-ой дамуы тежелген қыздарын үйде өгей әкесінің қарауына қалдырып кеткен. Тергеу барысында анықталғандай, ер адам айуандық әрекетінің салдарынан екі жасөспірімге де АИТВ (ВИЧ) инфекциясын жұқтырған.
Қазіргі уақытта сот үкімі заңды күшіне енген жоқ.
