Турнир әлемнің 20-дан астам елінен келген мыңға жуық спортшының басын қосты. Жарыстың старт және мәре сызықтарында партияның Алматы қалалық филиалының Жастар қанаты ерекше белсенділік танытты. Белсенділер қатысушылар мен көптеген жанкүйерлерге қолдау көрсетіп, ақпараттық материалдар таратып, қала тұрғындарын алдағы маңызды саяси науқанға – 23 тамызда өтетін сайлауға қатысып, азаматтық ұстаным танытуға және «Ақ жол» партиясына дауыс беруге үндеді.
Партия өкілдері салауатты өмір салтын ұстанатынын тек сөзбен емес, нақты іспен де дәлелдеді. «Ақ жол» партиясынан Құрылтай депутаттығына кандидат Андрей Линник веложарысқа тікелей қатысып, 95 шақырымдық ең күрделі әрі ұзақ қашықтықты сәтті бағындырды.
Шара соңында партия өкілдері барлық қазақстандық спортшылар мен салауатты өмір салтын ұстанушыларды кәсіби мерекелерімен құттықтап, жаңа жетістіктер мен жеңістер тіледі.
