Ереванда ұйымдастырылған COP17 климаттық конференциясында протоколдық үлкен қателік кетті: Арменияның үкімет басшысы Никол Пашинян ресми іс-шара кезінде Қырғызстан президенті Садыр Жапаровты Қазақстанның мемлекет басшысы деп таныстырды.
Құрметті мейманға ілтипат білдірген Пашинян дайын мәтінді қағаздан оқып тұрып, елдердің атауын шатастырып алған. Мұнымен қоймай, ол БАҚ өкілдерінің алдында сөйлеген кезінде де Жапаровты бірнеше мәрте Қазақстан президенті деп атап өтті.
Бұл жағдайға премьер-министрдің өзі қатты наразы болған. Осы қателіктен соң 2022 жылдың желтоқсанынан бері Армения үкіметінің хаттама қызметін басқарып келген Гагик Ваноян дереу қызметінен босатылды.
