Шавкат Мирзиёев Қасым-Жомарт Тоқаевты Қазақстан Республикасы Құрылтайы депутаттарының алғашқы сайлауының табысты өтуімен құттықтады. Мемлекет басшысы Өзбекстан Президентіне қолдау көрсетіп, халықаралық миссиялардың құрамында байқаушылар жібергені үшін алғыс айтты.
Қасым-Жомарт Тоқаев Қазақстанда жүргізіліп жатқан ішкі саяси өзгерістер туралы баяндады. Президент Құрылтайдың құрылуын заманауи, ілгерішіл және әділетті мемлекет құруға бағытталған саяси реформалардың маңызды бөлігі ретінде атап өтті.
Екі елдің басшылары қазақ-өзбек қарым-қатынасының дамуына оң баға берді. Тараптар Қазақстан мен Өзбекстан арасындағы ықпалдастық достық пен стратегиялық серіктестік негізінде жүйелі түрде нығайып келе жатқанын атап өтті.
Президенттер сауда-экономикалық байланыстарды одан әрі кеңейту мәселелеріне ерекше назар аударды. Келіссөз барысында көлік және логистика салаларындағы бірлескен инвестициялық жобаларды жүзеге асыру, өнеркәсіптік кооперацияны дамыту және екі ел кәсіпкерлері арасындағы байланысты жандандыру жайы сөз болды.
Қасым-Жомарт Тоқаев пен Шавкат Мирзиёев өңірлік және халықаралық күн тәртібіндегі өзекті мәселелер жөнінде де пікір алмасты.
