Базар 2026 жылғы 7 тамызда электрондық аукцион арқылы 24 772 753 285 теңгеге сатылды. Саудаға балансында сауда кешені бар «Көтерме-бөлшек сауда орталығы» ЖШС-нің 100% үлесі шығарылған.
Актив құрамына жалпы ауданы 4221,4 шаршы метр болатын үш нысан және көлемі 1,4 гектар жер телімі кіреді. Бұған дейін базар бірнеше рет саудаға қойылғанымен, сатып алушы табылмаған.
Бұрын базар активтері Қайрат Сатыбалдының ұлы Бауыржан Нұрсұлтанмен байланысты компанияларға тиесілі болған. Сот процестерінен кейін үлес мемлекетке қайтарылды. Нысанды Қайтарылған активтерді басқару компаниясы сатты.
