Құжат Сенаттың тамыз айындағы каникулы аяқталған бойда Конгресстің жоғарғы палатасының қарауына ұсынылады деп күтілуде. Қарар бастамашысы Тим Кейн бұл мәселеде қос партияның да қолдауына ие болу үшін белсенді келіссөздер жүргізіп жатыр. Заңшығарушы тек демократтардың ғана емес, президенттің Конгрессті айналып өтіп, жеке-дара әскери шешім қабылдауына қарсы шыққан байсалды республикашылдардың да қолдауына сүйенбек.
АҚШ парламентшілерінің алаңдаушылығына Вашингтон мен Иран арасындағы өте күрделі келіссөздер фонындағы Дональд Трамптың агрессивті риторикасы себеп болды. Сенатор Кейн Маскатқа күшпен қысым көрсету әрекеттерімен мүлдем келіспейтінін білдірді. Ол Оманның Таяу Шығыстағы АҚШ-тың дәстүрлі әрі сенімді стратегиялық серіктесі екенін және Тегеранмен диалогта негізгі дипломатиялық көпір (өзіндік бейтарап делдал) рөлін атқаратынын еске салды.
Америкалық саясаткерлердің пікірінше, сұлтандыққа жасалған кез келген шабуылдың салдары апатты болуы мүмкін. Ықтимал әскери соққы екі ел арасындағы көпжылдық сенімді қатынастарды бұзып қана қоймай, әлемдік мұнай тасымалының едәуір бөлігі өтетін аса маңызды логистикалық артерия — Ормуз бұғазы аймағын толығымен тұрақсыздандырады.
Оған қоса, Сенат мұндай қадам Құрама Штаттардың сенімді одақтас ретіндегі беделіне орны толмас нұқсан келтіріп, әлемдік аренада Вашингтонның геосаяси қарсыластарының позициясын автоматты түрде күшейтеді деп есептейді.
