Тағайындалғанға дейін Қырықбаев Президенттің ішкі саясат және коммуникациялар мәселелері жөніндегі көмекшісі қызметін атқарды. Бұл лауазымда ол 2025 жылғы ақпаннан бері жұмыс істеді. Бұған дейін Президент Әкімшілігінің коммуникациялар бөлімін басқарған.
Арман Қырықбаев Мәдениет және ақпарат министрлігі жүйесінде бұған дейін де қызмет еткен. Әр жылдары қоғамдық-саяси жұмыс және жұртшылықпен байланыс департаментін басқарды, Мәдениет комитетінің төрағасы және вице-министр болды.
Сонымен қатар Қырықбаев Қарағанды облысы әкімінің орынбасары, екі рет Алматы қаласы әкімінің орынбасары қызметтерін атқарды. Сондай-ақ Nur Otan партиясының хатшысы болды.
Ол 1976 жылы дүниеге келген. Қазақ мемлекеттік басқару академиясын және Сыртқы істер министрлігінің Дипломатиялық академиясын тәмамдаған. Мамандығы бойынша экономист және халықаралық қатынастар саласының маманы.
