Астанада 2017 жылы туған бала жаттығу кезінде үстіне футбол қақпасы құлап, өте ауыр жарақат алды.
SHYNDYK.KZ хабарлағандай, жаға ұстатарлық жағдай Қазақстан футбол федерациясының кеңсесі орналасқан «Футбол үйінің» аумағында тіркелген.
Зардап шеккен бүлдіршін жедел түрде ауруханаға жеткізілді. Қазіргі уақытта ол жансақтау бөлімінде жатыр, дәрігерлер оның жағдайын өте ауыр деп бағалап отыр. Кейінірек мәлім болғандай, қайғылы оқиға орын алған алаңды Қазақстан футбол федерациясы жаттығу өткізу мақсатында жекеменшік спорт мектебіне жалға берген екен.
Қазіргі таңда кішкентай пациентке барлық қажетті медициналық көмек көрсетіліп жатыр. Ал құзыретті органдар оқиғаның толық мән-жайын, соның ішінде ауыр темір қақпаның баланың үстіне не себепті құлап кеткенін мұқият тексеруге кірісті.
