Блогер сапардан түсірілген бейнежазбамен әлеуметтік желідегі парақшасында бөлісті. Кадрларда блогердің қазақ даласында атқа мініп, табиғат аясында серуендеп жүргені көрінеді. Жазбаға ол «Hello KZ» деген қысқа мәтін қалдырған.
Самойлова үшін бұл сапардың тағы бір ерекшелігі – қазақтың кең даласында алғаш рет атқа мінуі. Блогердің сөзінше, серуен оған ат үстінде өзін еркінірек сезінуге және шабандоздық дағдыларын шыңдауға мүмкіндік берген.
«Менің нұсқаушым Абай маған осы жылдар бойы мінгенімнен де жақсырақ шабуды үйретті. Барлық ат спортын ұнатушылар міндетті түрде далада атқа мініп көруі тиіс», — деді блогер.
Самойлованың бұл сапары туралы Астанадағы «Құлатай» ат қорасының өкілдері де хабарлады. Олар жұлдызды қонақпен түскен бірнеше суретті жариялады.
Танымал блогердің Астанаға сапары туралы «Құлатай» ат қорасының өкілдері де әлеуметтік желіде бөлісіп, Оксанамен бірге түскен суреттерін жариялады.
Ат қора қызметкерлерінің бірі блогермен бірге түскен суретін жариялап, оған әзілмен: «Бұл шындық, жасанды интеллект емес», – деп жазба қалдырды.
Атқа мінумен ғана шектелмеген Оксана Самойлова қазақтың ұлттық өнеріне де қызығушылық танытып, садақ атып көрді. Осылайша блогер Қазақстан сапары барысында дәстүрлі мәдениетпен жақынырақ танысуға мүмкіндік алды.
Жылқы мен жануарлар тақырыбы Самойловаға жақсы таныс. Ол отбасымен бірге жеке ферма ұстап, әлеуметтік желілерінде ондағы тіршілікті және үй жануарларын жиі көрсетіп тұрады.
Айта кетейік, Оксана Самойлова — төрт баланы тәрбиелеп отырған ресейлік блогер, әрі кәсіпкер. Оның әлеуметтік желідегі аудиториясы миллиондаған оқырмады құрайды.
