Қазақстандық MMA жекпе-жек шебері әрі актер Еркебұлан Тоқтар қоғамдық орында бейәдеп сөздер айтқаны үшін әкімшілік жауапкершілікке тартылды.
Алматының мамандандырылған ауданаралық әкімшілік соты оны ҚР ӘҚБтК-нің 434-бабы — ұсақ бұзақылық бойынша кінәлі деп таныды.
Алматы прокуратурасының мәліметінше, Тоқтардың бейәдеп сөздер айтқан видеосы әлеуметтік желілерден анықталған. Ведомство өкілдері танымал болу әкімшілік жауапкершіліктен босатпайтынын атап өтті.
Оқиға Астанада өткен IBA Nomad халықаралық турнирінен кейін болған. Баспаөз мәслихаты кезінде Тоқтар мен өзбекстандық файтер Огабек Абдумуминов сөзге келіп қалған. Жанжалдың видеосы кейін әлеуметтік желілерде тарады.
Сот спортшыға 20 АЕК мөлшерінде, яғни 86 500 теңге айыппұл салды.
Прокуратура мұндай жағдайларда әлеуметтік желілердегі ашық эфирлер мен трансляциялар да қоғамдық орын ретінде қарастырылуы мүмкін екенін еске салды.
