Халықаралық ғалымдар тобы Жер халқының санын біртіндеп 4 миллиард адамға дейін қысқартуды ұсынды. Мұндай тұжырым Sustainable Development ғылыми журналында жарияланған зерттеуде айтылған.
Жұмыс авторлары қазіргі халық саны табиғи ресурстарға түсетін ауыртпалықты барған сайын арттырып отыр деп санайды. Олардың пікірінше, бұл көрсеткішті табиғи жолмен – отбасын жоспарлау мүмкіндіктерін кеңейту және әйелдерге қанша бала сүю керектігін өз бетінше шешуге жағдай жасау арқылы қысқартуға болады.
Зерттеушілер бұл тәсіл парниктік газдар шығарындыларын азайтуға, қоршаған ортаның ластануын төмендетуге, ресурстар үшін туындайтын қақтығыстар қаупі мен жаһандық кедейлік деңгейін азайтуға, сондай-ақ биоәртүрлілікті сақтауға мүмкіндік береді деп есептейді.
Қазіргі уақытта Жер бетінде шамамен 8,3 миллиард адам өмір сүреді, ал ғасыр соңына қарай бұл көрсеткіш, болжам бойынша, 11 миллиардтан асуы мүмкін.
