2025 жылғы мамырда «Рашан» ЖШС «Аграрлық несие корпорациясы» АҚ филиалынан 300 млн теңге қарыз алған. Қаражат компанияның айналым капиталын толықтыруға арналған. Келісім бойынша «Даму» кәсіпкерлікті дамыту қоры кепілгер болған.
Қарыз алынғаннан кейін ақша егіс науқанына жұмсалғандай көрсетіліп, екі серіктестіктің шотына аударылған. Шамамен 148 млн теңге тұқым сатып алуға, тағы 152 млн теңге ауыл шаруашылығы техникасын жалдауға, жанар-жағармай алуға және жалақы төлеуге бағытталған.
Алайда тергеу мәліметінше, тұқым сатып алынбаған, техника жалға алынбаған және көрсетілген жер телімдеріне ауыл шаруашылығы дақылдары егілмеген.
«Рашан» ЖШС директоры күдікті деп танылды. Сот санкциясымен оның мүлкіне тыйым салынды. Сотқа дейінгі тергеу жалғасып жатыр.
