Қазақстан тарихына арналған жеті томдық академиялық зерттеу баспаға дайындықтың соңғы кезеңіне өтті. Заманауи ғылыми деректерге негізделген еңбекке 300-ге жуық ғалым атсалысқан.
Қазір мамандар ғылыми еңбектегі терминдерді біріздендіріп, тарихи материалдар мен иллюстрацияларды жүйелеп жатыр. Сонымен қатар мәтіндерді редакциялау жән басылымға шығаруға қажетті өзге де жұмыстар жүргізілуде.
Жетітомдықты әзірлеу барысын ҚР вице-президенті Ерлан Карин жауапты редакторлармен бірге талқылады. Кездесуде басылымды дайындаудың өзекті мәселелері қаралып, алдағы жұмыс бағыттары айқындалды.
«Қазақстан тарихы бойынша көптомдық басылымды баспаға дайындау жұмысы қарқынды жүріп жатыр. Бұл бағыттағы жұмыс жүйелі түрде жалғасатын болады», — деп жазды Ерлан Карин.
Зерттеу барысында археология, этнология және басқа да ғылыми салалардың заманауи деректері пайдаланылған. Жетітомдық Қазақстан тарихын жаңа ғылыми мәліметтер негізінде кешенді түрде таныстыруға бағытталған.
