Қазақстандықтар eGov порталына және басқа да мемлекеттік сайттарға кіру кезінде қиындыққа тап болды. Бір тәулікте мониторинг қызметі 160-тан астам шағым тіркеді, деп хабарлайды SHYNDYK.KZ.
Шағымдардың басым бөлігі сайт пен мобильді қосымшаның ашылмауына қатысты болды. Detector404 дерегінше, ақау туралы хабарламалардың көбі Алматы мен Астана қалаларынан, сондай-ақ Қарағанды, Қостанай және Жамбыл облыстарынан түскен.
Кейін eGov жұмысы қалпына келтіріліп, мемлекеттік сервистер қайтадан қолжетімді болды.
«Ұлттық ақпараттық технологиялар» АҚ өкілдері жағдайды сыртқы интернет-трафик белсенділігінің артуымен түсіндірді. Осыған байланысты қазақстандық интернет сегментін қорғау тетіктері іске қосылған.
