Спорт күні қарсаңында белгілі қазақстандық спортшылар Серік Сәпиев, Юрий Мельниченко, Ермахан Ибрайымов пен Абылайхан Жүсіпов «Әділет» партиясының Республикалық сайлауалды штабына арнайы барды, деп хабарлайды SHYNDYK.KZ.
Кездесу барысында чемпиондар партия кандидаттарымен бірге Қазақстандағы спорттың даму барысын талқылады. Жиында спортшыларды қолдау және бұқараның спортпен шұғылдануына қолайлы жағдай жасау мәселелері басты назарда болды.
Еліміздің өңірлеріндегі спорт инфрақұрылымының қолжетімділігі жеке тақырып ретінде қозғалды. Кездесуге қатысушылар Қазақстанның ірі қалаларынан бөлек, шалғай аймақтарда да спортты дамыту мүмкіндіктерін ортаға салды.
