Астананың екі тұрғыны әлеуметтік желілер арқылы клиенттер іздеп, мұсылмандардың қасиетті мекеніне қажылықты ұйымдастыруға көмектесуді ұсынған.
Бұл ұсынысқа 37 адам алданып қалды.
Олар Сауд Арабиясына сапар шегуден үміттеніп, жалпы сомасы 60 млн теңгеге жуық қаражатты аударған.
Алайда, жоспарланған сапар іске аспады. Тергеу барысында ұйымдастырушылардың алынған қаржыны өз мақсаттарына пайдаланғаны анықталды.
Бұл оқиға қылмыстық іспен және сот үкімімен аяқталды.
Екі айыпталушы да кінәлі деп танылып, төрт жылға бас бостандығынан айырылды.
Сонымен қатар, сот жәбірленушілердің келтірілген материалдық шығынды өтеу туралы талаптарын толық қанағаттандырды.
