Монеталар 2026 жылғы 2 қыркүйектен бастап Ұлттық банктің интернет-дүкенінде сатылымға шығады.
Коллекциялық монетаның дизайны қазақ халқының «Қозы Көрпеш – Баян Сұлу» жырына негізделген. Дастан қазақ фольклорындағы махаббат пен адалдықты арқау еткен көне әрі құнды шығармалардың бірі саналады.
Монета мельхиордан (МН 25) жасалған. Оны әзірлеу кезінде тампонды баспа технологиясы қолданылған. Салмағы – 15 грамм, диаметрі – 33 миллиметр. Номиналы – 200 теңге, ал таралымы 7 мың дана.
Монетаның сапасы – «brilliant uncirculated». Шығарылым Қазақстан теңге сарайында дайындалған.
Коллекциялық монеталар Қазақстан аумағында белгіленген номиналы бойынша төлемнің барлық түрінде қабылданады. Сонымен қатар оларды еліміздің банктерінде банк шоттарына есепке алуға, аударуға, ұсақтауға және айырбастауға болады.
