Құрылтай сайлауы алдындағы теледебат қатысушыларының сөз сөйлеу кезегі анықталды

Күні кеше «Жетінші арнада» жеребе тарту рәсімі өтіп, оның қорытындысы бойынша сайлауалды теледебатқа қатысушылардың сөз сөйлеу кезегі анықталды.

Жеребе нәтижесіне сәйкес, алғашқы болып Respublica партиясының өкілдері сөз сөйлейді, одан кейін «Ақ жол», ЖСДП, «Әділет», «Байтақ», «Ауыл» және Қазақстан Халық партиясының өкілдері кезек алады.

Сөз сөйлеу кезегі төмендегідей:

1. Respublica — Мейрамгүл Мадали;

2. «Ақ жол» — Дулат Тастекей;

3. ЖСДП — Мақсұт Нәсібілов;

4. «Әділет» — Рауан Кенжеханұлы;

5. «Байтақ» — Аслан Байзаханов;

6. «Ауыл» — Шахмардан Байманов;

7. Қазақстан Халық партиясы — Бейбіт Құсайынов.

Теледебат бүгін, 5 тамыз күні сағат 20:26-да «Жетінші арнаның» тікелей эфирінде өтеді. Пікірталастың басты тақырыбы — білім беру жүйесін дамыту. Қатысушылар өздерінің сайлауалды бағдарламаларын таныстырып, аудитория сұрақтарына жауап береді және сайлаушыларға үндеу жасайды.

Эфир барысында көрермендер онлайн-дауыс беруге қатысып, пікір қалдыра алады. Олардың бір бөлігі тікелей эфирде оқылады.

Қай партияның бағдарламасы халыққа жақынырақ? Сайлау барысын және еліміздің басты саяси жаңалықтарын SHYNDYK.KZ порталымен бірге қадағалаңыз.