Артистің пайымдауынша, әйелге күш көрсету — еркектікке жат қылық, мұндай қадамға барған адамның «ер азамат» деген атқа лайық емес екенін атап өтті. Димаш зорлық-зомбылыққа барғандарды «хайуан» деп атап, отбасындағы агрессияға ешқандай ақтау жоқ екенін қадап айтты.
Әншінің бұл мәлімдемесі Жамбыл облысындағы 19 жасар Мәдинаның өліміне байланысты қоғамда туындаған үлкен даудан кейін жасалды. Қайғылы оқиғаның мән-жайын марқұмның құрбысы ашып айтты: оның сөзінше, Мәдина ұзақ уақыт бойы күйеуінің таяқ жеген. Трагедия Мәдина күйеуінен кетпек болып, өмірін жаңадан бастамақ болған тұста орын алған.
Қазіргі уақытта құқық қорғау органдары аталған факті бойынша қылмыстық іс қозғады. Тергеу амалдары «Өзін-өзі өлтіруге дейін жеткізу» бабы бойынша жүргізіліп жатыр. Қазақстан жұртшылығы бұл істі жіті бақылауда ұстап, кінәлілердің заң алдында жауап беруін талап етуде.
