Непалда 26 тамызда болған су тасқынынан кейін гидроэлектр станциясының туннелінде қалып қойған екі ер адам тоғыз күннен соң аман-есен шығарылды.
Құтқарушылар ер адамдарды тауып, қауіпті аймақтан эвакуациялаған. Кейін екеуі де тікұшақпен Катмандуға жеткізіліп, медициналық көмек көрсетіле бастады.
Қазір құтқару жұмыстары басқа гидроэлектр станцияларының туннельдерінде жалғасып жатыр. Мамандар апаттан кейін сол жерде қалып қойған болуы мүмкін адамдарды іздеуде.
Соңғы мәлімет бойынша, Непалдағы табиғи апат салдарынан кемінде 1252 адам қаза тапқан. 4200-ден астам адам әлі хабар-ошарсыз кеткендер қатарында.
Іздеу-құтқару жұмыстары жалғасуда.
