ОСК мәліметінше, дауыс беруге 9,35 миллионнан астам адам қатысқан. Бұл – сайлау құқығы бар азаматтардың 74,08 пайызы.
Сайлауда «Әділет» партиясы айқын басымдық танытып, 71,17 пайыз дауыс жинады. Екінші орынға 6,26 пайыз нәтиже көрсеткен «Ауыл» партиясы шықты.
Respublica партиясын сайлаушылардың 5,56 пайызы қолдады. Қазақстанның «Ақ жол» демократиялық партиясы 5,21 пайыз, ал Жалпыұлттық социал-демократиялық партия 5,11 пайыз дауыс алды.
Осылайша, жаңа Құрылтайда бес партия өкілдік етеді:
- «Әділет»;
- «Ауыл»;
- Respublica;
- «Ақ жол»;
- ЖСДП.
Қазақстан Халық партиясы мен «Байтақ» белгіленген межеге жете алмады. Қазақстан Халық партиясы 3,11 пайыз, ал «Байтақ» 1,07 пайыз дауыс жинады.
Сайлаушылардың 2,51 пайызы «Бәріне қарсымын» нұсқасын таңдаған.
Сайлаудың ресми қорытындысы бойынша Құрылтайдағы 145 мандат былай бөлінді:
- «Әділет» – 110 мандат;
- «Ауыл» – 10 мандат;
- Respublica – 9 мандат;
- ЖСДП – 8 мандат;
- «Ақ жол» – 8 мандат.
Құрылтайдағы орындардың үштен екісінен астамын иеленген «Әділет» ең ірі фракцияны жасақтайды. Қалған төрт партияның әрқайсысы 8-ден 10 депутатқа дейінгі құраммен өкілдік етеді.
