Құрылтай депутаттарын сайлау күні Қазақстанда қоғамдық тәртіпті өрескел бұзу деректері тіркелмеді.
Оның айтуынша, қауіпсіздікті қамтамасыз етуге қажетті дайындық алдын ала жүргізілген. Барлық сайлау учаскесі тексеріліп, тәулік бойы күзетке алынған.
Ішкі істер министрлігінде жедел штаб жұмыс істеп тұр. Оған еліміздің барлық өңірінен мәлімет нақты уақыт режимінде үздіксіз түсіп жатыр. Жағдайды бақылау дауыс беру аяқталғанға дейін жалғасады.
– Барлық дайындық жұмысы алдын ала жүргізілді. Сайлау учаскелерінің қауіпсіздігі тексеріліп, олар тәулік бойы күзетке алынды. Қазір елдегі жағдай тұрақты. Қоғамдық тәртіпті өрескел бұзу деректері тіркелген жоқ, – деді Шыңғыс Әлекешев.
ІІМ өкілі полиция қызметкерлерінің негізгі міндеті сайлау учаскелері ашылған сәттен бастап жұмысын аяқтағанға дейін қоғамдық тәртіп пен азаматтардың қауіпсіздігін сақтау екенін атап өтті.
Полиция сайлау үдерісіне араласпайды. Құқық қорғау органдарының қызметкерлері дауыс беру өтетін бөлмеге учаскелік сайлау комиссиясы төрағасының шақыруымен ғана кіре алады.
Мұндай тәртіп сайлау учаскелеріндегі қауіпсіздікті сақтауға, комиссиялардың жұмысына кедергі келтірмеуге және азаматтардың еркін дауыс беруіне жағдай жасауға мүмкіндік береді.
