Калифорния штаты кезекті жойқын апаттың ортасында қалды: Сан-Клементе қаласын қалың түтін мен жалын тұмшалап алды, деп хабарлайды SHYNDYK.KZ. Желіде тараған бейнежазбалардан нағыз алапат апаттың белең алғанын көруге болады.
Куәгерлердің хабарлауынша, ресми түрде Norte Fire атауын алған орман өрті бүгін тұтанып, өте жылдам аумаққа таралып жатыр. Жарияланған кадрларда қызыл жалынның жер үйлердің шатырларына өте жақын келіп, тұрғын аудандарды жойып жіберу қаупін тудырғаны байқалады. Мамандардың айтуынша, соққан қатты жел жағдайды одан сайын ушықтырып, оттың тез таралуына себеп болуда.
Жергілікті билік пен төтенше жағдайлар қызметі қатаң сақтық шараларын сақтауды сұрауда. Тұрғындарға өз өмірлеріне қауіп төндірмей, ресми эвакуация бұйрығы берілген бойда қауіпті аймақтан жедел түрде шығып кету ескертілді.
