Шахтинскіде 33 жастағы ер адам өзін және көршілерін жарып жіберемін деп қорқытқан. Оқиға салдарынан үйдегі 35 тұрғын эвакуацияланды.
Оқиға Қ. Маркс көшесіндегі көпқабатты үйлердің бірінде болған. Полицияға үйде тыныштықтың бұзылғаны туралы хабарлама түскеннен кейін, тәртіп сақшылары оқиға орнына барған.
Пәтер иесі полицейлерге өзін және көршілерін жарып жіберетінін айтқан. Қауіпсіздік шаралары үшін подъездегі тұрғындар сыртқа шығарылды.
Полиция қызметкерлері ер адаммен сөйлесіп, оны есікті ашуға көндірген. Ұсталған кезде оның алкогольдік ішімдік ішкені анықталды.
Пәтерді тексеру барысында газдың иісі сезілмеген.
Ер адамға қатысты әкімшілік іс қозғалды. Қазір ол уақытша ұстау камерасына қамалған.
