Гүлнар Тойлыбаева Қазақстан Құрылтайының депутаты ретінде ресми түрде тіркелді. Орталық сайлау комиссиясы жаңа депутатқа арнайы куәлік пен омырауға тағатын төсбелгіні салтанатты түрде табыс етті.
Бұған дейін «Әділет» партиясы Татьяна Савельеваның өкілеттігі мерзімінен бұрын тоқтатылуына байланысты босаған депутаттық мандатты Тойлыбаеваға беру туралы шешім шығарған болатын. Еске сала кетейік, Татьяна Савельева Қорғаныс министрінің орынбасары лауазымына тағайындалғаннан кейін депутаттық қызметінен мерзімінен бұрын кеткен еді.
Гүлнар Тойлыбаева мемлекеттік және партиялық салада мол тәжірибеге ие. Ол әр жылдары облыстық мәслихаттың хатшысы және төрағасы қызметтерін атқарған. Ал жаңа қызметке тағайындалғанға дейін Жетісу облысы әкімінің кеңесшісі лауазымында еңбек етті.
