Қасым-Жомарт Тоқаев Астанада өтіп жатқан Жасанды интеллект бойынша III Халықаралық олимпиаданың салтанатты ашылу рәсімінде құттықтау сөз сөйледі, деп хабарлайды SHYNDYK.KZ.
Мемлекет басшысы өз сөзінде Қазақстанның цифрлық даму жолын стратегиялық бағыт ретінде таңдағанын баса айтты.
«БҰҰ-ның Электрондық үкіметті дамыту индексінде Қазақстан 193 мемлекеттің ішінде 24-орынды иеленді. Жаңа технологияларды енгізуге дайындық деңгейі бойынша еліміз Орталық Азияда көш бастап тұр. Біз жасанды интеллект қоғамдық өмірдің барлық саласына еніп, мемлекетті, экономика мен бизнесті басқарудың маңызды құралына айналатын бірыңғай инновациялық экожүйе құрып жатырмыз. Былтырғы Жолдауда мен үш жыл ішінде Қазақстанды толыққанды цифрлық мемлекетке айналдыру міндетін қойған болатынмын. 2026 жылды Цифрландыру және жасанды интеллект жылы деп жариялау осы стратегиялық мақсатты жүзеге асыруға толықтай бағытталған. Сонымен қатар, инновацияға негізделген ел дамуының басты бағдары 1 шілдеде күшіне енген Қазақстанның жаңа Конституциясында нақты бекітілген. Бірақ бұл барлық процестің басы ғана», – деді Президент.
