Өнеркәсіп және құрылыс министрі қызметіне Ерсайын Нағаспаев тағайындалды. Ведомство өнеркәсіпті, құрылыс саласын және тұрғын үй саясатын дамытуға жауап береді.
Оқу-ағарту министрлігін Жұлдыз Сүлейменова басқарады. Министрліктің құзыретіне мектепке дейінгі және орта білім, техникалық және кәсіптік оқыту, сондай-ақ балалардың құқықтарын қорғау мәселелері кіреді.
Арман Шаққалиев сауда және интеграция министрі болып тағайындалды. Ведомство ішкі және сыртқы сауданы дамыту, тұтынушылардың құқықтарын қорғау және экономикалық интеграция мәселелерімен айналысады.
Тағы бір Жарлықпен Нұржан Нұржігітов су ресурстары және ирригация министрі қызметіне тағайындалды. Министрлік су ресурстарын басқаруды, ирригациялық инфрақұрылымды дамытуды және елдің су қауіпсіздігін қамтамасыз етуді үйлестіреді.
