Қостанайда сот жергілікті тұрғынды заңсыз микроқаржылық қызметі және қылмыстық кірістерді заңдастырғаны үшін 2 жыл 8 айға бас бостандығынан айыру жазасына кесті.
Қаржылық мониторинг агенттігінің мәліметінше, ер адам лицензиясыз мүлік кепілімен несие беріп, клиенттерді OLX және Instagram арқылы тартқан. Қарыз алушылардың қаржылық қиындықтарын пайдаланып, ол жылына 120%-ға дейін үстемеақымен несие берген. Ал келісімшарттарда пайыздар мен шығындар алдын ала қосылған жоғарылатылған сомаларды көрсетіп отырған.
Тергеу барысында оның әрекетінен 50-ден астам адам зардап шеккені, ал қылмыстық кірісі 1 миллиард теңгеден асқаны анықталды.
Сот сондай-ақ заңсыз кіріске сатып алынған мүлікті, атап айтқанда төрт пәтерді, екі жер учаскесін және Mercedes-Benz G500, Dodge RAM 1500, Hyundai Santa Fe көліктерін тәркілеу туралы қаулы шығарды.
Үкім әлі заңды күшіне енген жоқ.
Ең өзекті және маңызды жаңалықтарды SHYNDYK.KZ сайтынан оқи аласыздар.
